Då Nissedal sokneråd skulle velje nytt misjonsprosjekt, fall valet på Misjon uten grenser. Sundag 25. mai får me besøk og høve til å bli betre kjende med organisasjonen. Du er hjarteleg velkomen til gudsteneste i Treungen kyrkje klokka 17.
Misjon uten grenser er ein del av den internasjonale organisasjonen Mission Without Borders som blei grunnlagd i 1960. Oppdraget deira er å gje langsiktig hjelp til menneske i Aust-Europa som er i naud. Dei trur at Gud har skapt kvart einskilt menneske og utrusta oss alle med evner og ressursar. Misjon uten grenser arbeider for å styrke og utruste menneske, slik at dei blir i stand til å forsørgje seg sjølve. Dei lokalt tilsette i Aust-Europa jobbar iherdig og heilhjarta med å hjelpe menneske ut av fattigdom og inn i gode relasjonar med Gud og andre menneske.
Misjon uten grenser er ein tverrkyrkjeleg organisasjon som er tilslutta NORME (Norsk Råd for Misjon og Evangelisering).
På gudstenesta den 25. mai kjem ein representant for å fortelje oss meir om arbeidet.